மோகனச்சாரலின் காபி ஷாப் - 06-01-2011

நண்பர்கள்  அனைவருக்கும் இனிய புத்தாண்டு வாழ்த்துக்கள்..

அப்படியே காபி, பிஸ்கட் எடுத்துக்கங்க..

*************************************************************

தற்போது சாலை பாதுகாப்பு வாரம்  கொண்டாடப்படுகிறது. அதில் என்ன உறுதிமொழி எடுத்துக் கொள்கிறார்கள் என
நீங்களும் பாருங்கள். முடிந்த அளவு அதைப் பின்பற்ற முயலுங்கள்.

*************************************************************

மொபைல் போனிலிருந்து அதிகப் படியான கதிர்வீச்சு வருவதாகவும், அது நம் உடலுக்கு மிகவும் தீங்கு விளைவிக்க கூடியது எனவும் நீங்கள் சமீப காலமாக கேள்விபட்டு கொண்டு இருப்பீர்கள் அல்லவா? இந்த கதிர்வீச்சை கட்டுப்படுத்தும் Anti Radiation Chip  எனும் பொருளை தங்கள் மொபைலின் மீது பொருத்திகொண்டால் எந்த தீய விளைவுகளும் ஏற்படாது என அடிக்கடி தற்போது செய்திதாள்களில் பார்க்கிறேன். உங்களின் பார்வைக்காக இங்கே கொடுத்தும் இருக்கிறேன். இதில் எந்த அளவு உண்மை இருக்கிறது, இதன் தரம் என்ன என தெரியவில்லை. வெளிநாடுகளிலும் இது போல் ஏதாவது உள்ளதா? இதைப்பற்றி தெரிந்தவர்கள் சொன்னால் அனைவருக்கும் உதவியாக இருக்கும் என்பது என் கருத்து.

 *************************************************************

தமிழகத்தில் மின் கட்டணம் ஆன்லைனில் செலுத்தலாம் என்பது உங்களுக்கு தெரியும். ஆனால் உங்கள் வீட்டில் கணக்கீட்டாளர்  மீட்டர் ரீடிங் எடுத்த மறு நாளில் இருந்து பதினைந்து நாட்களுக்குள் நீங்கள் மின் கட்டணத்தை செலுத்தி விடவேண்டும் என்பது தெரியுமா? முன்பெல்லாம் மீட்டர் ரீடிங் எடுத்த அடுத்த மாதம் 15 தேதிக்குள் செலுத்தினால் போதும். இப்போது ரூல் மாறிவிட்டது போல. உங்கள் ஏரியாவில் இந்த விசயத்தை உறுதிபடுத்திக்கொண்டு அபராத கட்டணத்தை தவிருங்கள்.

*************************************************************

உலகின் முதன்முதலில் அனுப்பப்பட்ட SMS எங்கிருந்து என்ன செய்தி என்று தெரியுமா?

இங்கிலாந்தில் 1992ம் ஆண்டு டிசம்பர் 3ம் நாள் நெய்ல் பேப்வொர்த் (Neil Papworth) என்பவர் ரிச்சர்ட் ஜார்விஸ் (Richard Jarvis) என்ற நபருக்கு “Merry Christmas” என்று அனுப்பினார்.

இது எனக்கு ஒரு நண்பர் SMS ல் அனுப்பியது.

*************************************************************

நகைச்சுவைப் பக்கம்.....

ஏங்க படிச்சுக்கிட்டு இருக்கிற பையன போய் அடிக்கிறீங்க?!?

அட நீங்க வேற சார்! பரிச்சைக்கு கூட போகாம படிச்சுக்கிட்டு இருக்கான்!

 *************************************************************

வாழ்க வளமுடன்!